Ուկրաինայի զինված ուժերը ստացել են թուրքական ռազմածովային ուժերի Kirpi նոր զրահափոխադրիչների խմբաքանակ։ Այս մասին օգոստոսի 9-ին Facebook-ում հայտնել է Կախովկայի ուժերի օպերատիվ խմբի մամուլի ծառայությունը։
Կամավոր Յուրի Մյսյագինը Telegram-ում գրել է, որ առաջին 50 մեքենաներն արդեն հանձնվել են Ուկրաինայի զինված ուժեր։ Սպասվում է եւս 150-ը։
Kirpi թուրքերեն նշանակում է «ոզնի»: Մեքենան հագեցած է զրահապատ խցիկով, փամփուշտների ապակիներով, հակաականային և պայթեցման դիմացկուն նստատեղերով և տեղավորում է 13 մարդ (անձնակազմը բաղկացած է հրամանատարից, հրաձիգից, վարորդից և մինչև 10 հետևակայիններից):
Kirpi-ն համալրված է նաև նստատեղերի ամորտիզատորներով, GPS համակարգով, հետևի տեսախցիկով և հրդեհաշիջման ավտոմատ համակարգով։ Զրահափոխադրիչը կարող է զինված լինել 7,62 կամ 12,7 մմ գնդացիրով, կուպեից յուրաքանչյուր կողմում ունի հինգ անցք՝ փոքր զենքերից կրակելու համար և չորս փամփուշտ պատուհաններ։ Այս զրահամեքենաները սկսել են ծառայության անցնել միայն 2014թ.:
Ավելի վաղ Ուկրաինային թուրքական զրահատեխնիկայի մատակարարման մասին չի հաղորդվել։ Զրահափոխադրիչներ են առաքվել Ուկրաինա կամ խոստացել են մատակարարել, մասնավորապես, Լիտվան (M113 և M577), Ֆրանսիան (VAB), ԱՄՆ (M113), Դանիան Գերմանիայի (M113) և Ավստրալիայից (Bushmaster) հետ միասին։
Աղբյուրը՝ apsny.ge
Թարգմանեց՝ Աստղ Խաչատրյանը
