Չինաստանի իշխանությունները «սպիտակ գիրք» են հրապարակել Թայվանի վերաբերյալ։ «Թայվանի հարցը և Չինաստանի միավորումը նոր դարաշրջանում» վերնագրված տեղեկագիրը բացահայտում է Պեկինի դիրքորոշումը Թայվանի նկատմամբ։
Մասնավորապես, «սպիտակ գիրքը» պարունակում է «հայրենիքի ամբողջական վերամիավորման» անխուսափելիության մասին թեզը, որը «չինական բոլոր որդիների ու դուստրերի ընդհանուր ձգտումն է»։ Այնտեղ պոտենցիալ միավորումը ներկայացվում է որպես անխուսափելի պատմական օրինաչափություն՝ հիմնված ժամանակակից ՉԺՀ-ի հիմնադիրների՝ Մաո Ցզեդունի և Դեն Սյաոպինի սկզբունքների վրա։
Չինաստանի իշխանություններն ընդգծել են, որ Պեկինը «պատրաստ է լայն տարածություն ստեղծել խաղաղ վերամիավորման համար», սակայն չեն բացառել կղզու գրավման ռազմական սցենարը՝ նշելով, որ «ոչ խաղաղ միջոցները կկիրառվեն որպես վերջին միջոց այն իրավիճակում, երբ այլ ելք չկա»։
«Սպիտակ գիրքըը» նաև նշում է, որ Չինաստանին միանալուց հետո Թայվանը կկարողանա ներդնել մայրցամաքից երկար ժամանակ տարբերվող սոցիալական համակարգ՝ ինքնավարության բարձր աստիճանով։
Չինաստանը Թայվանին համարում է իր անբաժանելի մասը։ Միևնույն ժամանակ, Պեկինը դե ֆակտո չի վերահսկում կղզին քաղաքացիական պատերազմի ավարտից և 1949 թվականին ՉԺՀ-ի ստեղծումից հետո։
Թայվանի շուրջ իրավիճակը սրվել է օգոստոսի 2-ին ԱՄՆ Կոնգրեսի Ներկայացուցիչների պալատի նախագահ Նենսի Փելոսիի կղզի կատարած այցի պատճառով։ Այս ճամփորդությունից հետո Չինաստանը սկսեց լայնածավալ զորավարժություններ Թայվանի ափերի մոտ, դրանք ավարտվեցին օգոստոսի 10-ին։
Աղբյուրը՝ Meduza.io
Թարգմանեց՝ Աստղ Խաչատրյանը
