ԵՄ-ում քննարկման է ներկայացվել ռուսաստանցիներին շենգենյան վիզաների տրամադրումն արգելելու առաջարկը։ Այս մասին հայտարարել է Գերմանիայի կաբինետի պաշտոնական ներկայացուցիչ Շտեֆեն Հեբեշտրեյտը։
«Նախագիծը որոշ երկրների կողմից ներկայացվել է ԵՄ-ին և, հետևաբար, օրակարգում է», – մեջբերում է ՏԱՍՍ-ը Հեբեշտրեյտի խոսքերը։ Պաշտոնյան նշել է, որ Գերմանիայի կառավարությունն ի գիտություն է ընդունել առաջարկը, և դրա շուրջ քննարկումներ են ընթանում։
Գերմանիայի ԱԳՆ-ն նաեւ պարզաբանել է, որ առաջարկը ներառում է վիզայի արգելք ոչ միայն զբոսաշրջիկների, այլեւ լրագրողների, այլախոհների եւ ԵՄ քաղաքացիների հարազատների համար։ Նրանք հայտնել են, որ առաջարկը կքննարկվի օգոստոսի վերջին Պրահայում ԵՄ ԱԳ նախարարների հանդիպման ժամանակ։
Գերմանիայի արտաքին գործերի նախարարության ներկայացուցիչը նման արգելքի մասին քննարկումն անվանել է «շատ հիպոթետիկ»։
Ռուսների համար Շենգենյան վիզաների արգելման անհրաժեշտության մասին քննարկումը թարմացվեց հուլիսին, երբ ռուսական իշխանությունները բացեցին ցամաքային սահմանները, և ռուսները սկսեցին զանգվածաբար մեկնել Արևմտյան Եվրոպա՝ տարանցիկ ճանապարհով Լատվիայով, Էստոնիայով և Ֆինլանդիայով։
ԵՄ որոշ երկրներ դադարեցրել են վիզաների տրամադրումը գարնանը՝ պատերազմի սկսվելուց գրեթե անմիջապես հետո։ Դրանց թվում են բոլոր Բալթյան երկրները, Չեխիան, Սլովակիան, Մալթան։ Լեհաստանն արգելել է Ռուսաստանի քաղաքացիների մուտքը երկիր անմիջապես Ռուսաստանից կամ Բելառուսից։
Եվրահանձնաժողովը ավելի վաղ ընդգծել էր, որ Շենգենյան համաձայնագրի նորմերը չեն նախատեսում ռուսների համար վիզաների տրամադրման ամբողջական արգելքի հնարավորություն։
Աղբյուրը՝ Meduza.io
Թարգմանեց՝ Աստղ Խաչատրյանը
