Լատվիայի Սեյման (խորհրդարանը) Ռուսաստանը ճանաչել է ահաբեկչությանը աջակցող երկիր, իսկ Ուկրաինայի և այլ երկրների քաղաքացիների նկատմամբ պետության գործողությունները՝ ահաբեկչություն։ Տեղական LSM թերթի փոխանցմամբ՝ համապատասխան հայտարարությանը կողմ է քվեարկել 100 պատգամավորներից 67-ը։
Սեյմում քվեարկության պատճառ է դարձել «Ուկրաինայի քաղաքացիական և հասարակական տարածքի վրա ռուսական թիրախավորված ռազմական հարձակումների մասին» փաստաթուղթը, որը նախկինում հավանության է արժանացել արտաքին հարաբերությունների խորհրդարանական հանձնաժողովի կողմից։
Փաստաթղթում ընդգծվում է, որ Ռուսաստանը նպատակաուղղված հետապնդում է Ուկրաինայի խաղաղ բնակչությանը, բռնության է դիմում՝ նրա բնակիչներին և զինվորականներին «բարոյալքելու», տեղական իշխանություններին կաթվածահար անելու և երկիրը զավթելու նպատակով։
Լատվիացի պատգամավորները դատապարտել են Ռուսաստանի ներխուժումն Ուկրաինա։ Բացի այդ, գրում է Delfi-ն, Սեյմը կոչ է արել այլ երկրների իշխանություններին հետևել իր օրինակին, իսկ ԵՄ երկրներին անհապաղ դադարեցնել տուրիստական վիզաները և սահմանափակել մուտքի վիզաների տրամադրումը Ռուսաստանի Դաշնության և Բելառուսի քաղաքացիների համար։
Մայիսին Լիտվայի Սեյմը բանաձեւ է ընդունել, որով Ռուսաստանը հայտարարում է «ահաբեկչական պետություն»։ Ուկրաինայում Ռուսաստանի Դաշնության գործողությունները Էստոնիայի, Լատվիայի և Կանադայի խորհրդարանները պաշտոնապես ճանաչեցին որպես ցեղասպանություն։
Աղբյուրը՝ Meduza.io
Թարգմանեց՝ Աստղ Խաչատրյանը