Հայկական լաստանավի գործարկման շուրջ աշխատանքները շարունակվում են։ Լրագրողների հետ ճեպազրույցի ժամանակ այս մասին ասաց Էկոնոմիկայի նախարար Վահան Քերոբյանը։
«Մենք հիմա վերջնական աշխատանք ենք անում, շուտով կհրապարակվի չվացուցակը»,– ասաց նա։
Էկոնոմիկայի նախարարը նշեց, որ դիտարկվում է Փոթիի նավահանգստից օգտվելու տարբերակը։
«Դա հեշտ հարց չէ, հատկապես որ զուգորդվում էր այսպիսի ծանր աշխարհաքաղաքական փոփոխություններով ու ճնշմամբ, բայց, այնուամենայնիվ, մեր աշխատանքը, հույս ունենք, շատ շուտով արդյունք կտա»,– ասաց նախարարը։
