Գերմանական Tchibo GmbH ընկերությունը, որը սուրճի չորրորդ արտադրողն է աշխարհում, լքել է ռուսական բիզնեսը, գրում է Коммерсант-ը։
Իրավաբանական անձանց միասնական պետական ռեգիստրի համաձայն, հուլիսին Tchibo-ն դադարել է Chibo CIS ՍՊԸ-ի սեփականատեր լինելուց, այժմ նոր սեփականատերը համարվում է MVK ՍՊԸ-ի գլխավոր տնօրեն Միխայիլ Կովալևսկին:
Հրապարակման աղբյուրի համաձայն՝ մինչև 2022 թվականի վերջ Cibo CIS-ը պահպանել է Tchibo և Davidoff սուրճի ապրանքանիշերի օգտագործման իրավունքները, որից հետո ընկերությունը պետք է սկսի սուրճի մատակարարումը նոր ապրանքանիշով։ Gold ապրանքանիշը համարվում է անվանման տարբերակներից մեկը, հավելել է թերթի զրուցակիցը։
Tchibo GmbH-ը, որը պատկանում է գերմանացի ձեռնարկատերերի Հերց ընտանիքին, իրեն անվանում է բոված սուրճի ամենամեծ մատակարարը Գերմանիայում, Ավստրիայում, Չեխիայում և Հունգարիայում: Ընկերության շրջանառությունը 2020 թվականին կազմել է 3,13 միլիարդ եվրո։
Թարգմանեց՝ Աստղ Խաչատրյանը
