Իտալիայի ոստիկանությունը կասկածում է, որ Վատիկանի մոտ փլուզված թունելից փրկված տղամարդը բանկի ձախողված կողոպտիչն է եղել: Հրշեջներից 8 ժամ է պահանջվել նրան դուրս բերելու համար, և այժմ նա բուժվում է հիվանդանոցում։
Սակայն նրա դժբախտությունները, ամենայն հավանականությամբ, դրանով չեն ավարտվի, քանի որ նա ստիպված կլինի ոստիկանությանը բացատրել, թե որտեղ և ինչու էր ստորգետնյա անցում փորում։ Նա և նրա ենթադրյալ հանցակիցն այժմ մեղադրվում են՝ քաղաքապետարանի գույքը վնասելու մեջ:
Քննիչները կարծում են, որ նրանք երկուսն էլ կարող էին լինել մի ամբողջ հանցախմբի անդամ, որը փորձում էր կողոպտել բանկը: Փաստորեն, դրա մասին է վկայում այն, որ թունելում ընդհանուր առմամբ չորս մարդ է եղել, որոնցից երեքին հաջողվել է փախչել մինչ փլուզվելը՝ վերջինին թողնելով վեց մետրանոց խցանման տակ։ (Փախուստի դիմածներից մեկին ավելի ուշ ոստիկանությունը բերման է ենթարկել):
Ստորգետնյա անցումը սկսվել է վերջերս վարձակալված, բայց առայժմ դատարկ խանութից և կասկածելիորեն անցնում էր երկու բանկերի մոտ, ինչը ոստիկաններին ստիպեց մտածել դժբախտ փորողների հնարավոր ծրագրերի մասին:
Տեղական ԶԼՄ-ների տվյալներով՝ նրանց նպատակներին կասկածելու պատճառ չկա, քանի որ կողոպտիչները ակնհայտորեն շտապում էին թունելի կառուցումն ավարտել մինչև օգոստոսի 15-ը՝ երկար ուիքենդը, երբ հռոմեացիների մեծ մասը հակված է լքել քաղաքը:
Աղբյուրը՝ bbc.com
Թարգմանեց՝ Աստղ Խաչատրյանը
