Գերմանական OBI GmbH-ը 600 ռուբլով վաճառել է կենցաղային ապրանքների և վերանորոգման ռուսական խանութները: Այս մասին Forbes-ին տված հարցազրույցում հայտարարել է OBI ռուսական բիզնեսի նոր սեփականատեր Յոզեֆ Լիոկումովիչը, ում պատկանում է ընկերության 60%-ը։
-Այո, 600 ռուբլի: Մինչ համաճարակը այն կազմում էր մոտ 100 միլիոն եվրո։ Սա չի նշանակում, որ այս բիզնեսը իզուր է գնացել: Հիմա կան հանգամանքներ, որոնք շատ են փոխվել։ Այս բիզնեսում պետք է շատ ներդնել, կարգի բերել։ Սա առողջ, հիանալի ընկերություն է, բայց պետք է ոտքի կանգնի: Անցյալ տարի վնասները կազմել են 2,5 մլրդ ռուբլի։
Գործարարի խոսքով՝ նոր սեփականատերերը մարել են OBI GmbH-ին ավելի քան 30 միլիոն եվրոյի պարտքը։
Խոսելով OBI-ի երկրորդ նոր սեփականատիրոջ մասին, որին պատկանում է բիզնեսի 40%-ը, Լիոկումովիչն ասել է, որ սա «ռուս գործընկեր է, ոչ հրապարակային անձ»։ Նա չի հայտնել իր անունը։
Աղբյուրը՝ Meduza.io
