«Սիրելի Հայաստանաբնակ հայրենակիցներ !!!
Ցավակցելով այս ողբերգության զոհվածների ընտանիքներին և
բոլորիս , այնուամենայնիվ ուզում եմ գրել հետևյալը ։
Ցավոք , կարծում եմ տեղի ունեցածը, կեղծ ահազանգերը, միտումնավոր կեղծ լուրերի սփռումը շղթայական գործընթացի մաս է ։ Թերևս դրանով փորձ է արվում ապակայունացնել իրավիճակը մասնավորապես Երեւանում, ստեղծել քաոսային ֆոն, տարածելով վախի և սարսափի մթնոլորտ ։
Զերծ կմնամ առավել մանրամասն մեկնաբանություններից, սակայն չեմ բացառում, որ այս սրացումները գեոքաղաքական, տարածաշրջանային, աշխարհաքաղաքական գործընթացների տիրույթում է ։
Չ’Ի բացառվում ահազանգերը միտումնավոր լրիվ այլ հասցեներով տեղի ունենան, բայց նախապատրաստվեն այլ վայրերում ։
Թե ԱԻՆ – ը, թե’ ոստիկանությունը ստիպված են արձագանքել և անմիջապես մեկնել որևէ ահազանգի հետքերով, դրանով բաժանել մարդկային ռեսուրսները ։
Մեզ, բոլորիս նախեւառաջ պետք է բարձրացնել ինքնագիտակցությունը և զգոնությունը , սառնասրտությունն ու ուշադրությունը ։
Մարդաշատ վայրերում, բնակելի շենքերում կասկածելի որևէ իրի, պայուսակի , փաթեթի բացահայտման դեպքում անմիջապես ահազանգեք։ Ուշադիր եղեք կասկածելի անձանց կողմից ոչ ադեկվատ գործողություններին։ Բացի պատկան մարմինների, մենք ինքներս պետք է մեզ օգնենք !!!
Միգուցե գույները մուգ և խիտ են, բայց Հայաստանը իրապես քավարանով է անցնում ։
Եթե տեղի ունեցող իրադարձությունների ` պատմական , քաղաքական փազլ – ի
կտորները համադրենք և հավաքենք ճշգրիտ , ապա պատկերը հստակ է դառնում ։
ՀԱՅԱՍՏԱՆԸ ԹԵԿՈՒԶ ԵՒ ԱՆԱՍԵԼԻ ԹԱՆԿ ԳԻՆ ՎՃԱՐԵԼՈՎ ՊՈԿՎՈՒՄ Է ԴԵՊԻ ԼՈՒՅՍ»,- գրել է կոմպոզիտոր Ավետիս Բերբերյանը։
