ԱՄՆ-ն, Ալբանիան, Ֆրանսիան, Մեծ Բրիտանիան, Իռլանդիան, Նորվեգիան խնդրել են օգոստոսի 24-ին Ուկրաինայի հարցով ՄԱԿ-ի Անվտանգության խորհրդի նիստ անցկացնել, հաղորդում է «ՌԻԱ Նովոստին»՝ հղում անելով ԱԽ աղբյուրներին։
Հանդիպման թեման ռուսական հատուկ ռազմական գործողությունն է։
Սպասվում է, որ այլ հարցերի հետ միասին կքննարկվեն ՄԱԿ-ի գլխավոր քարտուղար Անտոնիո Գուտերեշի Ուկրաինա կատարած այցի արդյունքները։
Վերջին անգամ ՄԱԿ-ի Անվտանգության խորհուրդը Ռուսաստանի նախաձեռնությամբ օգոստոսի 11-ին էր հավաքվել՝ Ուկրաինայում ստեղծված իրավիճակը քննարկելու համար։ Այն ժամանակ գլխավոր թեման Զապորոժիեի ԱԷԿ-ի շուրջ ստեղծված իրավիճակն էր։
