Մոսկվան մերժում է Զապորոժիեի ԱԷԿ-ի շուրջ ապառազմականացված գոտի ստեղծելու ՄԱԿ-ի առաջարկը:
Ռուսաստանի ԱԳՆ տեղեկատվության և մամուլի վարչության փոխտնօրեն Իվան Նեչաևը այս առաջարկը «անընդունելի» է որակել՝ պնդելով, որ նման քայլն «ատոմակայանն էլ ավելի խոցելի կդարձնի»։
Ռուսաստանի զինված ուժերը Եվրոպայի խոշորագույն Զապորոժիեի ատմոկայանի տարածքը գրավել էին մարտ ամսին։ Վերջին շրջանում ատոմակայանը մի քանի անգամ ենթարկվել է հրթիռակոծության։ Դրանում պատերազմող կողմերը միմյանց են մեղադրում։
Աղբյուրը՝ Azatutyun.am
