Լրահոս 24/7
19.08.2022

Բացօթյա ապօրինի առևտրով զբաղվող անձանց ապրանքները կառգրավվեն

Բացօթյա ապօրինի առևտրով զբաղվող անձանց ապրանքները կառգրավվեն

Բացօթյա ապօրինի առևտուրն այժմ սննդամթերքով չի սահմանափակվում. կենդանիներ՝ շներ, թռչուններ, անգամ արտասովոր տեսակներ կան: Փողոցային առևտրի հիմնական հասցեները Երևանի կենտրոնական փողոցներն են՝ Հանրապետության հրապարակը, Հյուսիսային պողոտան, մայթերն ու շենքերի կամարանցումները: Այս մասին տեղեկացնում են Երևանի քաղաքապետարանի աշխատակազմի լրատվության վարչությունից:

«Մարդիկ պարզապես շահագործում են այդ կենդանիններին ամենատարբեր միջոցներով՝ վաճառքից մինչև ծառայությունների մատուցում: Վստահ չենք նաև, որ այդ կենդանիները չունեն վարակիչ հիվանդություններ կամ պաշտպանված են դրանցից»,- ասում է «Թափառող կենդանիների վնասազերծման կենտրոնի» տնօրեն Հարություն Առաքելյանը:

Երևանի քաղաքապետարանը ոստիկանության հետ պարբերաբար համատեղ ուժեղացված ստուգայցեր է անում քաղաքի տարբեր հատվածներում:

Վերջերս հայտնաբերված մեքենան քաղաքացին ծառայեցրել է որպես հանրային սննդի կետ՝ չունենալով շրջիկ առևտուր իրականացնելու թույլտվություն: Մարդաշատ վայրերում առևտրականները ծառայություններ են մատուցում նաև հրավտանգ նյութերի օգտագործմամբ՝ կոպտորեն խախտելով անվտանգության կանոները: Անօրինական առևտրով զբաղվող անձինք տուգանվում են, սակայն խնդիրը դրանով չի լուծվում:

«Տարեսկզբից մինչ օրս կազմվել է 1445 արձանագրություն: Սակայն ոչ բոլոր դեպքերում է հնարավոր է լինում բռնագանձել տուգանքները: Դա պայմանավորված է հիմնականում անձանց անվճարունակությամբ, որոշ դեպքերում նաև անվճարունակ անձանց հատուկ՝ նպատակային ներգրավմամբ»,-ասում է քաղաքապետարանի առևտրի և ծառայությունների վարչության պետ Հովիկ Սաֆարյանը:

Բացօթյա ապօրինի առևտրի խնդիրը լուծելու համար Երևանի քաղաքապետարանը տարածքային կառավարման և ենթակառուցվածքների նախարարության հետ մշակել է օրենսդրական փոփոխությունների նոր փաթեթ: Օրինագիծը հնարավորություն կտա առգրավել փողոցային առևտուր իրականացնողների ապրանքները: Գործադիրը կառավարության նիստում նախագծին հավանություն տվեց: Առաջիկայում այն կքննարկվի ԱԺ-ում:

«Խնդրի լուծումը տեսնում ենք հետևյալ կերպ. ոչ սահմանված վայրերում առևտուր իրականացնելու դեպքում կարողանանք առգրավել այն միջոցները, որոնք օգտագործվում են ծառայություններ մատուցելու կամ առևտրի համար: Դրանով, կարծում ենք, այս խնդիրը վերջնականապես կկարողանանք լուծել։ Պարբերաբար Երևանում միջոցառումներ ենք իրականացնում, բայց ժամեր հետո այդ ամենը կրկնվում է»,- նշել է քաղաքապետը։

«Մինչև ապրանքի բռնագանձման հասնելը փորձ է արվել մեծացնել տուգանքների չափը, բայց դա արդյունք չի տվել, հետ չի պահել քաղաքացիներին նոր իրավախախտումներից: Նախագիծը ենթադրում է, որ տուգանք կիրառելուց զատ ապրանքը, որը վաճառքի առարկա է կամ ծառայություններ մատուցելիս է օգտագործվում, հնարավորություն կլինի առգրավել՝ դիմելով դատարան և հիմնավորելով, որ դա պետք է բռնագրավվի հօգուտ համայնքի» ,-նշում է Երևանի քաղաքապետի տեղակալ Սուրեն Գրիգորյանը:

Առևտրականները, որոնք չցանկացան տեսախցիկի առջև զրուցել, նշում են՝ փողոցային առևտուրն իրենց ապրուստի միակ միջոցն է: Հարցին՝ ինչու˚ չկազմակերպել առևտուրը սահմանված վայրերում, օրինակ, շուկաներում, ասում են՝ ձեռնտու չէ: Մինչդեռ այստեղ տուժում են այն տնտեսվարողները, որոնք վարձակալում են տարածքներ, վճարում հարկեր, նրանց ապրանքի արժեքը ստացվում է ավելի բարձր, քան հարևանությամբ՝ անօրինական առևտրով զբաղվողներն են առաջարկում:

«Արդյո˚ք սա արդար մրցակցային պայման է: Կարծում եմ՝ ակնհայտորեն՝ ոչ: Խնդրի այլընտրանք տեսնում ենք շուկաները, որտեղ տարածքների համար առաջարկվող գումարները ողջամիտ են: Սակայն որքան էլ լինի այդ գումարը, հասկանալի է, որ 0-ից բարձր է, իսկ առևտրականները նախընտրում են փողոցում՝ առանց վճարելու կազմակերպել առևտուրը: Հաճախ այդ անձանց ու նրանց վաստակած գումարների մասին մեր պատկերացումները սխալ են: Առևտրականները շատ ավելին են ստանում: Բայց եթե շատերն օրինական ձևով են իրենց գործունեությունը կազմակերպում, ինչո˚ւ մյուսներն էլ չանեն»,-շեշտում է Սուրեն Գրիգորյանը:

Փողոցում, հաճախ հենց գետնին, հակասանիտարական պայմաններում վաճառվող սննդամթերքը առողջապահական տեսակետից վտանգ է պարունակում, այդ թվում թունավորման: Չնայած դրան՝ որոշ քաղաքացիներ շարունակում են գնումներ անել փողոցից:

«Երևույթը հասարակական կարգի կոպիտ խախտում է: Աղտոտվում են փողոցները, մայթերը, խոչընդոտվում է հետիոտնի ազատ տեղաշարժը»,-ասում է Երևանի քաղաքապետարանի հասարակական կարգի պահպանության ծառայության պետ Արամ Գյուլզադյանը:

Բացօթյա անօրինական առևտուրը քաղաքի գլխավոր խնդիրներից է: Քաղաքային իշխանությունը վստահ է՝ օրենսդրական փոփոխություններն էապես կկանոնակարգեն դաշտն ու կնպաստեն խնդրի լուծմանը: Կբարելավվի նաև քաղաքի արտաքին տեսքը՝ հարիր երկրի զբոսաշրջային գլխավոր կենտրոնին:

Լրահոս
Ադրբեջանի ՊՆ-ն կրկին ապատեղեկատվություն է տարածել
20:44
Ադրբեջանի ՊՆ-ն կրկին ապատեղեկատվություն է տարածել
Հութիները պատրաստ են բանակցել ԱՄՆ-ի հետ խաղաղության հասնելու համար
19:53
Հութիները պատրաստ են բանակցել ԱՄՆ-ի հետ խաղաղության հասնելու համար
750 միլիոն դոլարի եվրապարտատոմսերի թեման. մի քանի «ինչու»-ների պատասխաններ
19:05
750 միլիոն դոլարի եվրապարտատոմսերի թեման. մի քանի «ինչու»-ների պատասխաններ
Իրանում ՀՀ դեսպանը հանդիպել է ԻԻՀ ԱԳՆ խոսնակի հետ
18:19
Իրանում ՀՀ դեսպանը հանդիպել է ԻԻՀ ԱԳՆ խոսնակի հետ
Թրամփի և Պուտինի հանդիպումը կկազմակերպվի, հենց անհրաժեշտություն լինի
17:04
Թրամփի և Պուտինի հանդիպումը կկազմակերպվի, հենց անհրաժեշտություն լինի
Հայ շախմատիստները հաղթանակով են մեկնարկել Եվրոպայի առաջնությունում
16:15
Հայ շախմատիստները հաղթանակով են մեկնարկել Եվրոպայի առաջնությունում
Սպասվում է առանց տեղումների եղանակ
15:15
Սպասվում է առանց տեղումների եղանակ
Ադրբեջանի ՊՆ հաղորդագրությունը չի համապատասխանում իրականությանը
14:04
Ադրբեջանի ՊՆ հաղորդագրությունը չի համապատասխանում իրականությանը
Կիեւի «կապիտուլյացիայի» համար ողբացողներից մեկը Բաքուն է լինելու
13:47
Կիեւի «կապիտուլյացիայի» համար ողբացողներից մեկը Բաքուն է լինելու
Փաշինյանը հեռախոսազրույց է ունեցել Իրանի նախագահ Փեզեշքիանի հետ
12:35
Փաշինյանը հեռախոսազրույց է ունեցել Իրանի նախագահ Փեզեշքիանի հետ
Պատմություն, որի շնորհիվ դարձել եմ այն, ինչ կամ. Ռուբեն Վարդանյանը նոր ուղերձ է հղել
12:02
Պատմություն, որի շնորհիվ դարձել եմ այն, ինչ կամ. Ռուբեն Վարդանյանը նոր ուղերձ է հղել
Գիշերը ՌԴ-ի երկնքում խոցվել է Ուկրաինայի ԶՈւ-ի 126 անօդաչու թռչող սարք. ՌԴ ՊՆ
19:57
Գիշերը ՌԴ-ի երկնքում խոցվել է Ուկրաինայի ԶՈւ-ի 126 անօդաչու թռչող սարք. ՌԴ ՊՆ
Պետք է շարունակենք ճնշումը Պուտինի վրա․ Սթարմեր
18:33
Պետք է շարունակենք ճնշումը Պուտինի վրա․ Սթարմեր
Ուկրաինական զորքերը Կուրսկի շրջանում շրջափակված չեն․ Զելենսկի
16:58
Ուկրաինական զորքերը Կուրսկի շրջանում շրջափակված չեն․ Զելենսկի
Այս պատմական քայլը կամրապնդի կայունության կամուրջները․ ԱՄԷ ԱԳՆ
15:50
Այս պատմական քայլը կամրապնդի կայունության կամուրջները․ ԱՄԷ ԱԳՆ