Հունգարական Wizz Air ավիաընկերությունը փոխել է իր որոշումը Մոսկվայի և Դուբայի միջև թռիչքները վերսկսելու մասին այն բանից հետո, երբ սոցիալական ցանցերում հայտնվեցին ընկերության բոյկոտի կոչեր։ Թռիչքների տոմսերի վաճառքը դադարեցվել է օգոստոսի 19-ին։
Wizz Air-ը հայտարարել է օգոստոսի 8-ին պատերազմի մեկնարկի պատճառով ընդհատված թռիչքների վերսկսման մասին։ Դրանից հետո Twitter-ում ակտիվորեն սկսեցին տարածվել #wizzairsupportsterrorists և #WizzAirMakesMoneyOnBlood հեշթեգերը։
Թռիչքներից հրաժարվելու մասին ընկերության պաշտոնական հայտարարության մեջ նշվում է, որ դրա պատճառը «արդյունաբերության սահմանափակումներն են մատակարարման շղթայում»։ Այնտեղ բոյկոտի կոչեր չեն նշվում։
Wizz Air-ը նաև նշել է, որ թռիչքները պետք է իրականացներ Wizz Air Abu Dhabi-ի դուստր ձեռնարկությունը, որը պաշտոնապես փոխադրող է ԱՄԷ-ից, և որ այլ ավիաընկերություններ այս երկրից թռչում են Ռուսաստան:
Պատերազմի սկսվելուց հետո Եվրամիությունը պատժամիջոցների շրջանակում արգելեց ռուսական ավիաընկերություններին թռիչքներ իրականացնել իր օդային տարածքում։ Ի պատասխան՝ Ռուսաստանը փակեց երկինքը եվրոպական ավիափոխադրողների ինքնաթիռների համար։
Արաբական Միացյալ Էմիրությունները չեն միացել Ռուսաստանի Դաշնության դեմ պատժամիջոցներին և չեզոք դիրք են գրավել ուկրաինական պատերազմի վերաբերյալ։
Աղբյուրը՝ Meduza.io
Թարգմանեց՝ Աստղ Խաչատրյանը
