«Ապրելու երկիր» կուսակցությունը երեկ՝ օգոստոսի 21-ին, հանձնել է իր դիմումները Ընտրատարածքային ընտրական հանձնաժողովներ՝ սեպտեմբերի 25-ին կայանալիք ՏԻՄ ընտրություններում մասնակցելու համար։
Ալավերդի համայնքում ցուցակը գլխավորելու է Արկադի Թամազյանը, Չարենցավանում՝ Անահիտ Խեչոյանը, Թալինում ՝ Դավիթ Մանուկյանը, Սիսիանում՝ Արա Զաքարյանը, Գյուլագարակում՝ Վրույր Այվազյանը, Լոռի Բերդ համայնքում՝ Կարլեն Վերմիշյանը:
«Արժևորելով համայնքներում արագ տեմպերով դրական փոփոխություններ կատարելու հրամայականը, կուսակցությունն, իր ակտիվ մասնակցությամբ, այդ պատասխանատվությունը ստանձնելու շոշափելի հայտ է ներկայացրել, որն այլևս անբեկանելի է»,- նշված է հաղորդագրության մեջ:
