ԱՄՆ պետքարտուղարության թմրամիջոցների դեմ պայքարի ու իրավապահ մարմինների միջազգային բյուրոն (INL)՝ հրապարակել է Հայաստանին և նրա արդարադատության ոլորտին վերաբերող համառոտ զեկույց։
Զեկույցում մասնավորապես նշվում է. «Իր անկախությունից ի վեր Հայաստանը ձգտել է հավասարակշռել իր հարաբերությունները տարածաշրջանի հետ և ավելի սերտ ինտեգրվել եվրոպական և եվրատլանտյան կառույցներին՝ որպես խորհրդային ինստիտուտների և գործելակերպի մնացած ժառանգությունը հաղթահարելու միջոց: 2018 թվականի ապրիլ-մայիսին լայնածավալ բողոքի ցույցերը, որոնք հայտնի էին որպես «թավշյա հեղափոխություն», իշխանության բերեցին նոր կառավարություն՝ բացահայտ հակակոռուպցիոն մանդատով և քրեական արդարադատության համակարգը բարելավելու մեծ ցանկությամբ՝ ի տարբերություն նախկին կոռումպացված, Ռուսաստանի ազդեցության տակ գտնվող օլիգարխիկ ռեժիմի։ Հայաստանը առաջընթաց է գրանցում օրենքի գերակայության և արդարադատության ոլորտում բարեփոխումներ սկսելու գործում՝ INL-ի աջակցությամբ, ներառյալ ոստիկանության բարեփոխումները, կոռուպցիայի դեմ պայքարը, ֆինանսական հանցավորության դեմ պայքարը և մարդու իրավունքների պաշտպանության վրա շեշտադրումը: Այնուամենայնիվ, զգալի ինստիտուցիոնալ խնդիրներ կան: Դեռևս շատ քիչ դատավորներ կան, հնացած օրենքները քննիչներին սահմանափակ գործիքներ են տրամադրում կուռ գործեր ստեղծելու համար, իսկ կազմակերպությունները մնում են լոկալ և չեն ցանկանում պաշտպանել սեփական ռեսուրսները»:
Զեկույցում նաև նշվում է, որ. «INL-ը ձգտում է աջակցել Հայաստանին իր քրեական արդարադատության ոլորտում ինստիտուցիոնալ կոռուպցիայի դեմ պայքարի գործում՝ նոր հակակոռուպցիոն ինստիտուտների համար ամուր հիմքեր ստեղծելու, հայ իրավապահ մարմիններին աշխուժացնելու՝ միջազգային լավագույն փորձին համապատասխանելու և ծառայության վրա հիմնված ոստիկանության նոր մոդել կիրառելու ու գործիքներ ստեղծելու միջոցով պահպանել թափանցիկ և հաշվետու կազմակերպչական կառույցներ»։
