Արդարադատության նախարարը Շիրակի մարզի առաջին ատյանի ընդհանուր իրավասության դատարանի դատավոր Վահագն Թորոսյանին կարգապահական պատասխանատվության ենթարկելու վերաբերյալ միջնորդություն է ներկայացրել Բարձրագույն դատական խորհրդին:
Նշվում է, որ վարույթ հարուցելու առիթ է հանդիսացել փաստաբան Դավիթ Ավագյանի կողմից 2022 թվականի փետրվարի 26-ին արդարադատության նախարարին ներկայացված հաղորդումը:
Հաղորդումն ուսումնասիրելուց հետո նախարարը 2022 թվականի մայիսի 31-ի թիվ 52-Ա որոշմամբ Շիրակի մարզի առաջին ատյանի ընդհանուր իրավասության դատարանի դատավոր Վահագն Թորոսյանի նկատմամբ հարուցել է կարգապահական վարույթ:
Արդարադատության նախարարի 2022 թվականի հուլիսի 29-ի թիվ 65-Ա որոշմամբ՝ միջնորդություն է ներկայացվել Շիրակի մարզի առաջին ատյանի ընդհանուր իրավասության դատարանի դատավոր Վահագն Թորոսյանին կարգապահական պատասխանատվության ենթարկելու վերաբերյալ միջնորդությամբ ԲԴԽ դիմելու մասին:
ԲԴԽ-ն որոշել է ներկայացված միջնորդության քննության կապակցությամբ նիստը նշանակել օգոստոսի 25-ին՝ ժամը 15:00-ին:
