Ռիգայի Հաղթանակ զբոսայգում սկսվել են Ռիգայի ազատագրողների հուշարձանի ապամոնտաժումը։ Հաղորդում է Delphi-ն։
Հուշահամալիրի շրջակայքը պարսպապատվել է։ Նրա շուրջը ոստիկաններ են։
Նախապատրաստական աշխատանքները սկսվել են օգոստոսի 22-ին։ Ռիգայի իշխանությունները նշել են, որ քանդման ժամանակ պայթուցիկ չի օգտագործվի։ Հուշահամալիրի վերջնական ապամոնտաժման հստակ ժամկետ չի նշվում։
Մայիսի 12-ին Լատվիայի Սեյման օրենք է ընդունել, որով դադարեցնում է Ռուսաստանի հետ ռազմական հուշարձանների պահպանման մասին պայմանագրի հոդվածը։ Դրանով վերացվել են խորհրդային զինվորների հուշարձանը քանդելու իրավական սահմանափակումները, իսկ հաջորդ օրը Ռիգայի քաղաքային խորհուրդը հավանություն է տվել դրա հեռացմանը։
Դրանից հետո ՌԴ-ում Լատվիայի դեսպանը կանչվել է ԱԳՆ։ Այնտեղ նրան ասել են, որ ռուսական կողմը Ռիգայի գործողությունները համարում է փոխհատուցում պահանջելու պատճառ, քանի որ Լատվիան միակողմանի խզել է պայմանագրի մի հոդված և, հետևաբար, խախտել է իր միջազգային պարտավորությունները։ Ռուսաստանի Քննչական կոմիտեն խոստացել է ստուգել հուշարձանի քանդման օրինականությունը։
Օգոստոսին Ռիգայի քաղաքապետ Մարտինշ Ստակիսն ասել էր, որ հուշահամալիրի ոչ մի բաղադրամաս գեղարվեստական արժեք չունի, և որ դրանք կվերացվեն քանդման ավարտից հետո։
Ռիգայում հուշարձանը բացվել է 1985 թվականի նոյեմբերին՝ ի պատիվ Հայրենական մեծ պատերազմում տարած հաղթանակի։ Հուշահամալիրը բաղկացած է խորհրդային զինվորների և հայրենիքի բրոնզե ֆիգուրներից։
Աղբյուրը՝ snob.ru
