Կանադան «Հյուսիսային հոսք 1» գազատարի համար Գերմանիային կփոխանցի ևս հինգ Siemens տուրբիններ։ Այս մասին, ըստ CBC-ի տեղական խմբագրության, հայտարարել է Կանադայի արտաքին գործերի նախարար Մելանի Ջոլին։
Հուլիսին Կանադայի իշխանությունները պատժամիջոցներից հանեցին «Հյուսիսային հոսք»-ի վեց տուրբինները, որոնք սպասարկում էին Մոնրեալում և թույլ տվեցին դրանք հետ ուղարկել Գերմանիա՝ «Գազպրոմ»-ին փոխանցելու համար (չնայած ուկրաինական բողոքներին):
Մեկ տուրբին արդեն վերադարձվել է Գերմանիային, սակայն «Գազպրոմը» հրաժարվել է ընդունել այն՝ պատճառաբանելով արևմտյան երկրների «պատժամիջոցային ռեժիմները» և «ներկայիս իրավիճակի անհամապատասխանությունը ներկայիս պայմանագրային պարտավորություններին»։
Այնուամենայնիվ, Կանադան դեռ նախատեսում է Գերմանիային հանձնել մնացած հինգ տուրբինները։ «Մենք նման որոշում ենք կայացրել. Սա հենց այն է, ինչ մեզ խնդրել է Գերմանիան»,- ասել է Ջոլին։
Իր հերթին, Գերմանիայի կանցլեր Օլաֆ Շոլցը CBC-ին տված հարցազրույցում ասել է, որ Գերմանիան կշարունակի աշխատել Կանադայի հետ՝ ապահովելու մնացած հինգ տուրբինների վերադարձը։
Հունիսին «Գազպրոմը» տուրբինի բացակայությունն էր համարել «Հյուսիսային հոսքի» միջոցով դեպի ԵՄ գազի մատակարարումների կրճատման պատճառը՝ հասնելով նպատակայինի 60%-ի։ Ավելի ուշ «Հյուսիսային հոսքով» գազի մատակարարումները նվազել են մինչև գազատարի թողունակության 20%-ը; «Գազպրոմը» դա բացատրել է մեկ այլ տուրբին շահագործումից հանելով։
Օգոստոսի սկզբին Գերմանիայի կանցլեր Օլաֆ Շոլցն անձամբ ստուգեց «Հյուսիսային հոսք»-ի տուրբինը, որը Ռուսաստանը հրաժարվեց վերցնել և ասաց, որ տուրբինն ամբողջությամբ նորոգված է և պատրաստ է շահագործման:
Աղբյուրը՝ Meduza.io
Թարգմանեց՝ Աստղ Խաչատրյանը
