Իտալիայի ափամերձ անվտանգության ծառայությունը գործողություն է իրականացրել Կատանզարո քաղաքի մոտակայքում 40 մետրանոց զբոսանավի վթարի վայրում։
Ինչպես տեղեկացնում է «ՌԻԱ Նովոստի» գործակալությունը, «Սագա» նավի սեփականատերը ռուսաստանաբնակ գործարար Գենադի Այվազյանն է, որը գործունեություն է ծավալում ածուխի արդյունահանման ոլորտում։
Նավը եղել է Կայմանյան կղզիների դրոշով։
Նշվում է, որ դեպքը տեղի է ունեցել մի քանի օր առաջ․ զբոսանավը դուրս էր եկել Գալիպոլի նավահանգստից և ուղղվել դեպի Սիցիլիայի հյուսիսարևելյան ափ։
Փրկարարները դուրս են բերել զբոսանավի 4 ուղևորներին ու անձնակազմի 5 անդամներին։
Հրապարակվել է նաև նավի խորտակվելու տեսանյութը։
