Չեխիան, որը նախագահում է Եվրամիությունում, օգոստոսի վերջին ԵՄ-ի երկրների արտգործնախարարների ոչ պաշտոնական հանդիպմանը կառաջարկի ամբողջությամբ չեղյալ հայտարարել Ռուսաստանի և Բելառուսի քաղաքացիներին շենգենյան վիզաների տրամադրման պարզեցված կարգը: Այդ մասին օգոստոսի 25-ին հաղորդել Է Bloomberg գործակալությունը՝ վկայակոչելով Չեխիայի արտաքին գործերի նախարար Յան Լիպավսկուն:
Եթե Պրահայի առաջարկը ընդունվի, ռուսաստանցիներն ու բելառուսները նախկինի պես կկարողանան ԵՄ-ում վիզա ստանալ, սակայն դրանց տրամադրման ընթացակարգը կդառնա ավելի բարդ. կավելանա ձևակերպման համար անհրաժեշտ փաստաթղթերի քանակը, հայտերի քննարկման ժամանակը և հյուպատոսական գանձումը (35-80 եվրո). գրում Է Bloomberg-ը:
Աղբյուրը՝ radar.am
