ՆԱՍԱ-ն այսօր կփորձարկի տիեզերք ուղարկվող ամենահզոր հրթիռը

ՆԱՍԱ-ի՝ Օդագնացության և տիեզերական տարածության հետազոտությունների ազգային գործակալության նոր հրթիռը, որն ԱՄՆ-ի կողմից երբևէ տիեզերք ուղարկված ամենահզորն է լինելու, այսօր կարևոր փորձարկման է ենթարկվելու: Եթե ամեն ինչ լավ ընթանա, 98 մետրանոց Space Launch System (SLS) հրթիռն անձնակազմի դատարկ պարկուճ կուղարկի Լուսնի ուղեծիր։

ՆԱՍԱ-ի պաշտոնյաները, սակայն, զգուշացնում են, մեծ ռիսկերի մասին. թռիչքը կարող է անգամ ընդհատվել: Պաշտոնական հաղորդագրության համաձայն, եթե վեց շաբաթ տևող փորձնական թռիչքի ժամանակ լուրջ անսարքություններ չլինեն, առաջիկա մի քանի տարիներին տիեզերագնացները կարող են Լուսին վերադառնալ:

«Օրիոն» պարկուճում երեք մանեկեն կլինի՝ վիբրացիան, արագացումը և ճառագայթումը չափելու համար, իսկ գիտնականները կհետևեն պարկուճի ավելի քան 1000 սենսորներին:

Այս փորձարկման հաջող ընթացքի դեպքում, հաջորդ անգամ 2024 թվականին հրթիռը Լուսնի ուղեծիր կտանի տիեզերագնացների, իսկ 2025 թվականին նախատեսվում է մարդու երկրորդ վայրէջքը Լուսնի վրա: Ուղիղ 50 տարի առաջ ՆԱՍԱ-ն «Ապոլոն-17» տիեզերանավով 12 տիեզերագնացներով է վայրէջք կատարել Լուսին։