Փետրվարի 16-17-ին «Skyball» ընկերության հիմնադիր Նաիրի Բարսեղյանն իր ռուս գործընկեր Սերգեյ Բաժենովի հետ AX-9 դասի օդապարիկով իրականացրել են ամենաերկարատև՝ 34 ժամ 39 րոպե տևողությամբ, առանց վայրէջքի թռիչք։
Այս մասին գրել է ՀՀ էկոնոմիկայի նախարար Վահան Քերոբյանն ու տեղեկացրել, որ երեկ մասնակցել է ռեկորդի գրանցման և դիպլոմի հանձնման հանդիսավոր արարողությանը։
Նախարարի գրառման մեջ նաև ասված է.
«Կարևորում եմ «Skyball» ընկերության գործունեությունը Հայաստանում արկածային զբոսաշրջության զարգացման ուղղությամբ։
Այս ռեկորդը ևս մեկ անգամ հաստատում է, որ Հայաստանն ունի ներուժ տարբեր ոլորտներում, որն անհրաժեշտ է իրացնել, և ամենակարևորը՝ ամեն կերպ զարգացնել»։
