Երևանում վրաերթի հետևանքով մահացել է «Ինտերնյուս»-ի նախկին գլխավոր տնօրեն Մանանա Ասլամազյանը։ Shamshyan.com-ի փոխանցմամբ՝ վրաերթը տեղի է ունեցել Tesla մակնիշի ավտոմեքենայով, Թումանյան փողոցի 1 շենքի դիմաց:
70-ամյա Մանանան Ռուսական հեռուստատեսության ակադեմիայի անդամ էր։
Ծնվել է 1952 թվականի հունվարի 10-ին Երևանում, ՀԽՍՀ։
Ասլամազյանը 1993 թվականից ամերիկյան «Internews Network» ֆոնդի ռուսական մասնաճյուղի գլխավոր տնօրեն է եղել:
1998 թվականից՝ «Internews International»-ի կառավարման խորհրդի անդամ և «Internews Europe»-ի նախագահ։ 2000 թվականից՝ Ռուսաստանի Դաշնության ֆեդերալ մրցակցային հանձնաժողովի անդամ՝ մամուլի, հեռուստառադիոհեռարձակման և զանգվածային լրատվության միջոցների գործերով։
Հանձնաժողովի կազմից հեռացվել է 2004 թվականին, Վլադիմիր Պոզների հետ միասին։ 2002 թվականից՝ Հեռուստառադիոհեռարձակողների ազգային ասոցիացիայի (ՀԱԱ) փոխնախագահ։ Կազմից հեռացվել է 2007 թվականին։
2007 թվականից՝ անցել է արժույթի մաքսանենգության գործով. իր կողմից ղեկավարվող ամերիկյան ոչ պետական կազմակերպության. գործունեության ֆինանսավորման համար՝ Եվրոպայից ներմուծված արժույթի գործով։ Թաքնվել է հետաքննությունից և լքել Ռուսաստանը՝ մշտական բնակության վայր դարձնելով Փարիզը։
Ի պաշտպանություն Ասլամազյանի՝ հրապարակվեց բաց նամակ, որի ներքո ստորագրեցին մի շարք ռուս կարկառուն լրագրողներ:
2007 թվականից «Ինտերնյուս»-ի ռուսական բաժանմունքը դադարեցրեց իր աշխատանքը։ 2010 թվականին ՌԴ Սահմանադրական դատարանի որոշմամբ՝ Ռուսաստանի Դաշնության ՔՕ-ի 188 հոդվածի փոփոխման արդյունքում՝ «Մաքսանենգություն» քրեական գործը վերաորակավորվեց վարչականի։
Մանանա Ասլամազյանը Ռուսական հեռուստատեսության ակադեմիայի կողմից շրջանների հեռուստատեսության համար կադրեր նախապատրաստելու կարևոր դերի համար արժանացել էր հատուկ մրցանակի՝ «Ռուսական հեռուստատեսության զարգացման գործում անձնական ներդրման համար» վերտառությամբ։
Վերջին շրջանում ապրում եւ աշխատում էր Հայաստանում։
