Ա․ Փամբուխչյանի շնորհավորական ուղերձ է հղել սեպտեմբերի 1-ի՝ Գիտելիքի օրվա կապակցությամբ

Արտակարգ իրավիճակների նախարար Արմեն Փամբուխչյանի շնորհավորական ուղերձ է հղել սեպտեմբերի 1-ի՝ Գիտելիքի օրվա կապակցությամբ: Ուղերձում ասված է.

«Սեպտեմբերի 1-ի՝ Գիտելիքի օրվա առթիվ ցանկանում եմ շնորհավորել բոլորիս։

Չէ՞ որ պետության ամուր հիմքը նախեւառաջ կիրթ, գիտելիքահենք հասարակությունն է։ Անվտանգ, ապահով առօրյայի գրավականը, վստահաբար, ճիշտ ժամանակին տրված և ճիշտ կիրառված գիտելիքն է։

Կարեւորելով այս փաստը՝ ԱԻՆ-ը բաց է կրթական բոլոր հաստատությունների հետ համագործակցության համար՝ դպրոցից մինչեւ բուհ կամ աշխատանքային շրջանակներ։

Վստահ եմ՝ միասին աշխատելով այս ուղղությամբ՝ կարող ենք մեր քաղաքացիներին ապահովել հնարավոր վտանգներից կամ դրանց առկայության դեպքում ճիշտ արձագանքելով՝ նվազեցնել հնարավոր հետեւանքները»։