Սեպտեմբերի 2-ից մինչև դեկտեմբերի 25-ը «Փակ շուկա»-ի դիմացի ստորգետնյա հետիոտնային անցումը, վերանորոգման աշխատանքներով պայմանավորված, փակ կլինի հետիոտների համար:
Կենտրոն վարչական շրջանի կայքէջում հայտնում են, որ քաղաքացիների անվտանգ և ապահով տեղաշարժը ապահովելու համար առաջարկվում է օգտվել Մ. Խորենացու փողոց – Մ. Մաշտոց պողոտա խաչմերուկի կարգավորվող հետիոտնային կամ Մ. Մաշտոցի պողոտա – Սբ. Գր. Լուսավորիչ (Պարոնյան) ստորգետնյա անցումներից:
Նշվում է, որ աշխատանքները իրականացվում են Երևանի քաղաքապետարանի աշխատակազմի շինարարության և բարեկարգման վարչություն տարեկան ծրագրով:
