2022 թվականին Հայաստանը 7 տոկոս տնտեսական աճ է նախատեսում։
Այս մասին ասաց ՀՀ վարչապետ Նիկոլ Փաշինյանը Վլադիվոստոկում ընթացող Արևելյան տնտեսական ֆորումի լիագումար նիստի ժամանակ։
Ըստ վարչապետի՝ Հայաստանի տնտեսությունում շատ լավ դինամիկա է նկատվում և այս տարի երկրում առնվազն 7 տոկոս տնտեսական աճ է սպասվում։
«Եվրասիական տնտեսական միությունը Հայաստանի համար արդարացրել է իրեն կոնկրետ իրավիճակում: Հայաստանում նախատեսված աճը կապված է ԵԱՏՄ-ի կողմից ապահովվող ազատությունների հետ, որոնք տրվել են ապրանքների, ծառայությունների, կապիտալի և աշխատուժի ազատ տեղաշարժի համար։ Մենք դա տեսնում ենք, և, իհարկե, պետք է աշխատել այդ ցուցանիշները պահպանելու համար, որպեսզի այդպիսի աճից հետո նոր ճգնաժամ չառաջանա»,-նշեց ՀՀ վարչապետը։
