«Կարևոր պայմանավորվածություն.
6 ամսվա ընթացքում կլուծենք Բյուրեղավան համայնքի ջրամատակարարման խնդիրը
Այսօր արդյունավետ աշխատանքային հանդիպում ունեցա «Վեոլիա Ջուր» ՓԲԸ-ի առևտրային տնօրինության Աբովյան տեղամասի պետ Արման Սաֆարյանի հետ։
Քննարկեցինք Բյուրեղավան համայնքի և Նուռնուսի ամառանոցների ջրամատակարարման խնդիրը։
Ա. Սաֆարյանին ներկայացրեցի նախընտրական քարոզարշավի իմ հանդիպումների ընթացքում քաղաքացիների բարձրաձայնած արդարացի բողոքը և ջրամատակարարման խնդրի լուծման մեր տեսլականը։
Ա. Սաֆարյանն ընդգծեց, որ խնդրի լուծում տալու իրենց ջանքերը շատ հաճախ հանդիպում են համայնքային իշխանության կողմից անհասկանալի մոտեցման և բյուրոկրատական քաշքշուկների։
Քննարկման ընթացքում հավաստիացրեցի, որ մեր հաղթանակի դեպքում բացառվելու են նման անթույլատրելի վերաբերմունքն այդ կարևոր խնդիրներին։
Պայմանավորվեցինք, որ իմ ընտրության դեպքում, առնվազն 6 ամսվա ընթացքում և համատեղ աշխատանքի արդյունքում, մենք վերջնական լուծում կտանք Բյուրեղավան համայնքի երկար տարիներ անլուծելի թվացող ջրամատակարարման խնդրին։
Ավելին, պայմանավորվածություն ձեռք բերվեց համատեղ աշխատանքի արդյունավետ իրակացման համար փողգործակցության հուշագիր կնքել»,-հայտնում է Բյուրեղավանում ՔՊ թեկնածու Վլադիմիր Վարդևանյանը։
