Բրյուսելում տեղի է ունեցել ԵՄ-Վրաստան ասոցացման խորհրդի յոթերորդ նիստը։ Այն Եվրամիության և Վրաստանի հարաբերությունների նոր փուլի առաջին նիստն է՝ Վրաստանին «եվրոպական ապագա» խոստանալուց հետո, այն դեպքում, երբ Մոլդովան և Ուկրաինան արդեն ստացել են ԵՄ անդամի թեկնածուների կարգավիճակ:
Եվրամիության ճանապարհին հաջող առաջընթացի համար պաշտոնական Թբիլիսիին անհրաժեշտ է ավելի շատ ջանքեր գործադրել դատական համակարգի բարեփոխումների, օրենքի գերակայության և զլմ-ների ազատության ոլորտում: Այդ մասին հայտարարել է ԵՄ-ի գլխավոր դիվանագետ Ժոզեպ Բորելը՝ վրացական պատվիրակության հետ կայացած համատեղ ասուլիսում:
Բացի այդ, նա նշել է, որ Վրաստանում պետք է ազգային կոնսենսուս ձեռք բերվի Եվրամիությանն անդամակցելու վերաբերյալ, իսկ ԵՄ-ին ինտեգրվելու գործընթացում անհրաժեշտ է գործի դնել Վրաստանի ողջ քաղաքական սպեկտրը: Այդ խնդիրների կատարման հիմնական պատասխանատվությունը Բորելը դրել է իշխող «Վրացական երազանք» կուսակցության վրա։
Աղբյուրը՝ radar.am
