ՀՀ կառավարության այսօրվա նիստում աշխատանքի և սոցիալական հարցերի նախարար Նարեկ Մկրտչյանը կրկին հիշեցրեց, որ նախատեսում են թոշակների բարձրացում առնվազն 3 հազար դրամով։
Նախարարը տեղեկացրեց, որ բազային կենսաթոշակի չափը սահմանվել է 21 հազար դրամ՝ 18 հազար դրամի փոխարեն, իսկ նվազագույն կենսաթոշակը 30 հազար 500 դրամ՝ 28 հազար 600 դրամի փոխարեն։
«Գործող բանաձևով և օրենքով կենսաթոշակառուների որոշակի խումբ ավելի քիչ էր ստանում, քան խոստացված 3 հազար դրամը, և մենք որոշեցինք բարձրացնել նվազագույն կենսաթոշակի չափը՝ հասցնելով 31 հազար 600 դրամի, ինչը կերաշխավորի, որ բոլոր կենսաթոշակառուները կստանա մեր խոստացած 3 հազար դրամը»։
Այսպիսով՝ այն թոշակառուները, որոնց կենսաթոշակը բարձրացվել էր 1900 կամ 2000 դրամով, մյուս մասը հոկտեմբերի կենսաթոշակի հետ կստանան։ «Ընդհանուր առմամբ, 97 հազար շահառուի համար սեպտեմբերի 1-ից կավելանան նպաստները, որը կստանան հոկտեմբեր ամսվա թոշակի հետ»,- ասաց Մկրտչյանը։
Փոխվարչապետ Համբարձում Մաթևոսյանն էլ ընդգծեց՝ Կառավարության համար կարևորագույն նպատակներից մեկն է թոշակների բարձրացումը։ «Կարծում եմ՝ այս քայլը կարևոր առաջընթաց է»,- շեշտեց նա։
