Աշնանը Հայաստանը կհյուրընկալի 40-ից ավելի երկրներից ժամանող սփյուռքահայերի: Սփյուռքի գլխավոր հանձնակատարի գրասենյակի կողմից հոկտեմբերի 28-ից 31-ը կանցկացվի Համաշխարհային հայկական գագաթնաժողով:
Այս մասին տեղեկացնում է հանձնակատարի ֆեյսբուքյան էջը:
Օրակարգում կընդգրկվեն այնպիսի թեմաներ, ինչպիսիք են ազգային անվտանգությունը, հայկական շահերի պաշտպանությունը, հայրենիքի ռազմավարական ոլորտների զարգացումը, հայրենադարձությունը, ներդրումային ներգրավվածությունը, հայապահպանությունը, սփյուռքի ինքնակազմակերպումը և այլն:
Գագաթնաժողովը կունենա շուրջ 600 մասնակիցներ սփյուռքից, ինչպես նաև Հայաստանից և Արցախից, որոնք կներկայացնեն համայնքային կառույցներ, կազմակերպություններ, գիտական, մասնագիտական, գործարար, ուսանողական, երիտասարդական շրջանակներ և այլն:
Գագաթնաժողովն աշխատանքային երեք օրերի ընթացքում կունենա 8 պանելային քննարկումներ, համաժամանակյա 17 նիստեր, ազատ ձևաչափով 2 հանդիպում:
Սփյուռքի գործերի գլխավոր հանձնակատարի գրասենյակը բաց է գագաթնաժողովին վերաբերող առաջարկների և քննարկումների համար:
