Ռուդիկ Մկրտչյանը ժամանակից շուտ հաղթանակ տարավ 8-0 հաշվով. ըմբշամարտի ԱԱ

Սերբիայի մայրաքաղաք Բելգրադում մեկնարկած հունահռոմեական ոճի ըմբշամարտի աշխարհի առաջնությունում իր առաջին հաղթանակը տոնեց 55 կգ քաշային ըմբիշ Ռուդիկ Մկրտչյանը: Որակավորման փուլի գոտեմարտում Ռուդիկը հանդիպեց հարավկորեացի Հյեոկջին Ջեոնի հետ և ժամանակից շուտ հաղթանակ տարավ 8-0 հաշվով: Հաղթանակի համար հայ մարզիկին պահանջվեց 1 րոպե 35 վայրկյան: Այսպիսով՝ Ռուդիկ Մկրտչյանը դուրս եկավ 1/8 եզրափակիչ, որտեղ կհանդիպի ուզբեկ ըմբիշ Ջասուրբեկ Օրտիկբոևի հետ:

Հիշեցնենք, որ մեր հունահռոմեականների հավաքականը Բելգրադ է ժամանել 8 մարզիկով: Մեր մյուս 6 ըմբիշները՝ Հրաչյա Պողոսյանը, Սլավիկ Գալստյանը, Կարապետ Չալյանը, Գևորգ Ղարիբյանը, Արթուր Ալեքսանյանը և Դավիթ Օվասափյանը մրցագորգ դուրս կգան սեպտեմբերի 11-ին և 12-ին: