Տեղյակ եք, որ այս գիշեր ադրբեջանական զորքերը մի քանի ուղղությամբ կրակ են բացել ՀՀ ուղղությամբ. մենք ունենք նաեւ զոհեր ու վիրավորները: Այս մասին, այսօր՝ սեպտեմբերի 13-ին, ԱԺ նիստի սկզբում հայտարարեց ԱԺ նախագահ Ալեն Սիմոնյանը, որից հետո ներկաները մեկ րոպե լռությամբ հարգեցին զոհերի հիշատակը:
«Ստեղծված իրավիճակում թե մեր ժողովուրդը, թե քաղաքական ուժերը պետք է լինենք մաքսիմալ միասնական: Այս իրավիճակում մենք չենք կարող քաղաքական եւ այլ տարաձայնությունների տեղ տալ: Մեր համաքաղաքացիներին եմ ուզում դիմել՝ որեւէ ձեւով խուճապի չմատնվել, մենք շատ բարդ իրավիճակում ենք գտնվում: Խնդրում եմ որեւէ ձեւով թե ապատեղեկատվությանը, թե տարբեր տարածվող լուևրերին տեղիք չտալ, դրանք չտարածել, հետեւել միայն պաշտոնական տեղեկատվությանը:
Տեղեկացնեմ նաեւ, որ օգտվելով ԱԺ կանոնակարգ սահմանադրական օրենքում ամրագրված 98-րդ հոդվածի 4-րդ մասի համաձայն ես ներկայացնելու եմ ԱԺ հայտարարության նախգիծ ադրբեջանական հրձակման վերաբերյալ, եւ կխնդրեմ նաեւ իմ գործընկերոջը՝ Վլադիմիր Վարդանյանին, որ հայտարարության տեքստը ներկայանցի, որը մենք կքննարկենք:
Ժամը 11-ին այստեղ կգա ՀՀ վարչապետը, որին դուք հնարավորություն կունենաք թե հարցեր ուղղել, թե վարչապետը ելույթ կունենա ու կներկայացնի իրավիճակն այդ պահի դրությամբ»,-ասաց Ալեն Սիմոնյանը:
