ՀՀ վարչապետ Նիկոլ Փաշինյանն այսօր ԱԺ-ում անդրադառնալով նախկին բարձրաստիճան պաշտոնյաների կողմից իշխանությունների հասցեին քննադատություններին, նշեց,թե նրանք պաշտոնից զրկվել են և ընդդիմության հարթակներից դոշ են ծեծում:
«ԱԱԾ սպաների միություն» եք ստեղծել: Դուք նամուս ունենայիք այսօր փողոց դուրս կգա՞յիք՝ երկրի կեսը շպիոն է եղել ձեր պաշտոնավարության ընթացքում, իսկ դուք հասարակական կազմակերպություն եք հիմնում: ՀՀ-ում ձեր օրոք ԱԱԾ չի եղել, խոպանչիների բրիգադ եք դուք եղել, ցավոք սրտի նաև մեր ժամանակ նշանակվածների շրջանում: Ձեզնով ԱԱԾ-ն պետք է զբաղվի, շատ դեպքերում պետք է հասկանանք՝ դուք քանի երկրի շպիոն եք, ընդհանրապես»,-ասաց Փաշինյանը:
Նա հիշեցրեց՝ ժամանակին ասում էին՝ Շուշին սա է հանձնել, նա է հանձնել.«Ես ասել եմ, որ կառավարությունը շահագրգիռ է, որ պատերազմական դրվագները ի հայտ գան: Երբ հիմա նախաքննության մարմինը որոշ մարդկանց ձերբակալում է Շուշիի դրվագով, բայց Ղարաբաղի խորհրդի կեսը պաշտպանում է: Չհասկացանք, հիմա Շուշին հանձնել են, թե՝ ոչ: Դուք չէիք ասում բացահայտեք, թե պարտադիր պետք է պարզվեր, որ ես եմ հանձնել, բոլորդ էլ ասեիք՝ ուռա՜, կեցցե արդարությունը»:
