ԱՄՆ Կոնգրեսի Ներկայացուցիչների պալատի խոսնակ Նենսի Փելոսին այս շաբաթավերջին կայցելի Հայաստան՝ ի նշան Ադրբեջանի հետ մահացու կռվի մեջ գտնվող երկրին աջակցության: Այս մասին գրել է Politico-ն՝ հղում անելով այցին ծանոթ երկու անձանց:
Փելոսին ճամփորդությունը կիրականացնի Կոնգրեսի ներկայացուցիչ Ջեքի Սփեյերի (Կալիֆորնիա) ուղեկցությամբ՝ G-7 խոսնակների գագաթնաժողովի շրջանակում Բեռլինում կանգ առնելուց հետո:
Ըստ հրապարակման՝ նախատեսվում է, որ նա Երևանում կհանդիպի վարչապետ Նիկոլ Փաշինյանի, ինչպես նաև կառավարության այլ պաշտոնյաների հետ։
Լրատվամիջոցն ընդգծում է, որ դա կլինի խոսնակի վերջին դրամատիկ արտասահմանյան ուղևորությունը՝ անցյալ ամիս Թայվան նրա վիճելի այցից հետո:
