Մեկնարկել է Կառավարության նիստը։ Կառավարության անդամները մեկ րոպե լռությամբ հարգեցին Հայաստանի դեմ Ադրբեջանի ագրեսիայի հետևանքով զոհվածների հիշատակը։
Նիստի ընթացքում վարչապետը նշեց այս պահի դրությամբ Ադրբեջանի ագրեսիայի հետևանքով զոհվածների թիվը։
«Այս պահի դրությամբ ունենք հաստատված 135 զոհ, բայց այս թիվը դեռ հստակ չէ։ Կան բազմաթիվ վիրավորներ»,– ասաց նա։
ՀՀ ՊՆ նախարար Սուրեն Պապիկյանն էլ ներկայացրեց սահմանում տիրող ներկայիս դրությունը։
«Այս պահին գնահատվում է հարաբերական հանգիստ։ Երեկ գիշերվա ընթացքում հրադադարի ռեժիմը պահպանվել է։ Կարող եմ նշել, որ Զինված ուժերը շարունակում են կատարել իրենց առջև դրված խնդիրը»,–ասաց նա։
