Մեղրու տարածաշրջանի «Արևիք» ազգային պարկի տարածքում անտառներ են վառվում

«Էկո-Մեդիա» բնապահպանական թեմաներ լուսաբանող լրագրողական ցանցի համահիմնադիր, լրագրող Նարինե Կիրակոսյանն իր ֆեյսբուքյան էջում տեղեկացնում է, որ այս պահին մոտ 10 հեկտար գիհու անտառներ են վառվում Մեղրու տարածաշրջանի «Արևիք» ազգային պարկի տարածքում։ Կրակը բռնվել է ճանապարհի եզրից։

Այս պահին մոտ 10 հեկտար գիհու անտառներ են վառվում Մեղրու տարածաշրջանի “Արևիք” ազգային պարկի տարածքում։ Կրակը բռնվել է ճանապարհի եզրից (Լեհվազ և Վարդանիձոր գյուղերի միջև ընկած հատվածում)։ Հավանական է ինչ-որ մեկը չհանգած ծխախոտ նետած լինի և դրանից հրդեհը բռնկված լիներ։ Սա նախնական վարկածն է։ Կրակը շատ արագ է առաջ գնում։ Վառվում են 2-3 մետրանոց գիհիներ։ Դրանք մոտ 300-400 տարեկան կարող են լինել։ Գիհիները իրենց խեժային կառուցվածքով դյուրավառ են։ ԱԻՆ-ը տեղում է, սակայն ուղղաթիռ կիրառելու իմաստ, ըստ նախնական գնահատականների, չկա, քանի որ հրդեհաշիջման համար փրկարարների ուղղաթիռը մոտ 1400 լիտրի ջրի տարողունակություն ունի։ Դա շատ քիչ է։ Որ պատկերավոր լինի` այդքան ջուրը մեծ հրդեհի համար նույնիսկ ցողի նման չի ազդի։ Ջուրը օդում արդեն կգոլորշիանա։ Տեղի անանցանելիությունը, ըստ “Արևիք” ազգային պարկի տնօրեն Գագիկ Գևորգյանի Gagik Gevorgyan, անհնարին է դարձնում հողային հրդեհաշիջման աշխատանքները։ Այսինքն տրակտոր այնտեղ չի կարողանա մտնել։ Այս պահին այսքանը։ Կրակը արագ տարածվում է։