ԱՄՆ ցանկացած օժանդակություն կենսական նշանակություն ունի մեր պետականության համար:
Այս մասին ԱՄՆ Կոնգրեսի Ներկայացուցիչների պալատի խոսնակ Նենսի Փելոսիի հետ համատեղ մամուլի ասուլիսի ժամանակ հայտարարեց ԱԺ խոսնակ Ալեն Սիմոնյանը՝ անդրադառնալով վերջին օրերին ՀՀ պետական սահմանին տեղի ունեցող իրադարձություններին ու նշելով.
«Կարծում ենք, որ հստակ պատժամիջոցները կարող են դառնալ ևս մեկ լծակ՝ կանգնեցնելու Ադրբեջանի ծավալապաշտական նկրտումները և ավտորիտար պատերազմը ժողովրդավարության դեմ: Ցանկացած օժանդակություն կենսական նշանակություն ունի մեր պետականության համար»:
Հիշեցնենք՝ ՀՀ ԱԺ նախագահ Ալեն Սիմոնյանն ընդունել է պաշտոնական այցով Հայաստան ժամանած ԱՄՆ Ներկայացուցիչների պալատի նախագահ Նենսի Փելոսիի գլխավորած պատվիրակությանը: Հանդիսավոր ընդունելությանը հաջորդել է Սիմոնյան-Փելոսի առանձնազրույցը: Զրուցակիցներն այնուհետև միացել են ընդլայնված կազմով քննարկմանը:
