Ադրբեջանի ԱԳՆ-ն արձագանքել է հայաստանյան այցի ընթացքում ԱՄՆ Ներկայացուցիչների պալատի խոսնակ տիկին Փելոսի հնչեցրած մտքերին. «Նենսի Փելոսիի հայտարարությունը, որը «խեղաթյուրում է իրավիճակը տարածաշրջանում, խորապես ցավալի է»։
Անընդունելի են Փելոսիի կողմից Ադրբեջանի հասցեին հնչեցված անհիմն և անարդար մեղադրանքները»,- ասվում է Ադրբեջանի ԱԳՆ-ի կողմից տարածված հաղորդագրության մեջ՝ մանրամասնելով՝ «Փելոսին հայտնի է որպես հայամետ քաղաքական գործիչ, և նրա պատվիրակության կազմում Կոնգրեսի հայամետ անդամների առկայությունը դրա ուղղակի վկայությունն է։
Քանի որ մոտենում են ԱՄՆ միջանկյալ ընտրությունները, թվում է, թե Փելոսին օգտագործում է այցը ԱՄՆ-ում հայկական լոբբիստական շրջանակների աջակցությունը հավաքելու իր ներքաղաքական օրակարգի համար:
Նման միակողմանի քայլերն ու անհիմն հայտարարությունները ոչ թե ծառայում են տարածաշրջանում փխրուն խաղաղության ամրապնդմանը, այլ ընդհակառակը, լարվածության սրմանը»։
