Շատերը վերջին օրերին ստանում են հեռախոսային հաղորդագրություններ Ֆեյսբուքի եւ Ինստագրամի վերականգնման համար հղումներով կամ կոդերով։
Տեղեկատվական անվտանգության փորձագետ Սամվել Մարտիրոսյանն իր էջում հայտնում է, որ նախ՝ վտանգավոր ոչինչ չկա, հարկավոր է պարզապես անտեսել ու բնականաբար, ոչ մեկի չտալ, որ իրենց փոխարեն մուտք գործեն։
Իսկ թե ինչու են նման հաղորդագրություններ գալիս, Մարտիրոսյանը պարզաբանում է.
«Կա փոքր հավանականություն, որ հենց Ֆեյսբուքում տեխնիկական խնդիր կա, ու սիստեմը սխալմամբ է ուղարկում։
Կա ավելի մեծ հավանականություն, որ արվում է թշնամի պետության անգործ մնացած զավակների կողմից, ձեր նյարդերի վրա ազդելու համար։
Դե դուք էլ, արեք հակառակը, մի ազդվեք, զուտ անտեսեք։ Թող իրանց մատները ցավան»:
