Starlink արբանյակային ինտերնետ ցանցը սկսել է գործել Երկրի բոլոր մայրցամաքներում, ասել է SpaceX-ի ղեկավար Իլոն Մասկը։
«Starlink-ն այժմ ակտիվ է բոլոր մայրցամաքներում, ներառյալ Անտարկտիդայում», – գրել է նա Twitter-ում:
Ավելի վաղ՝ սեպտեմբերի 18-ին, SpaceX-ը մեկնարկել է Ֆլորիդայի Կանավերալ հրվանդանից և ուղեծիր է ուղարկել ևս 54 Starlink արբանյակ:
2019 թվականից ընկերությունն արդեն ավելի քան երեք հազար արբանյակ է արձակել տիեզերք՝ Starlink ցանցը տեղակայելու համար։ Ընդհանուր առմամբ, SpaceX-ը նախատեսում է 42000 արբանյակ ուղարկել Երկրի ցածր ուղեծիր։
Starlink ծրագրի շրջանակներում ընկերությունը մտադիր է ապահովել լայնաշերտ ինտերնետ հասանելիություն աշխարհի ցանկացած կետում՝ 1 գիգաբիթ/վրկ արագությամբ, որը համապատասխանում է 5G ստանդարտին։
Ուկրաինա ռուսական ներխուժումից հետո SpaceX-ը սկսեց Ուկրաինային հասանելիություն և սարքավորումներ տրամադրել Starlink արբանյակային ինտերնետին միանալու համար։
Աղբյուրը՝ Meduza.io
