Ուկրաինան պնդում է, որ ռուսական ուժերը ևս մեկ ատոմակայանի են հարվածել

Ուկրաինայի նախագահ Վլադիմիր Զելենսկին հայտարարել է մարտադաշտում «մի շարք հաղթանակների մասին», այն բանից հետո երբ հաղորդվեց, թե ուկրաինական զինուժը հասել է երկրի հյուսիս-արևելքում գտնվող խոշոր գետի արևելյան ափ։

Զելենսկին միևնույն ժամանակ Ռուսաստանին մեղադրել է երկրի հարավում գտնվող մեկ այլ ատոմակայանը` Հարավուկրաիանականը թիրախավորելու համար։

Ըստ նրա՝ հրթիռները ատոմակայանից 300 մետր հեռավորության վրա են ընկել, վնասվել են կառույցի պատուհանները։ Ուկրաինայի նախագահը շեշտել է, որ աշխարհը դա պետք է դադարեցնի, քանի դեռ ուշ չէ։

Ավելի վաղ ուկրաինական «Էներգոատոմ» կազմակերպությունը հայտարարել է, որ այսօր ռուսական կողմը հարվածել են Նիկոլաևի շրջանի Պիվդեննոկրաինսկ ատոմակայանին։

Աղբյուրը՝ Azatutyun.am