Ադրբեջանական դիվերսանտների մասին խուճապ առաջացնող նորությունները մեկ լուծում ունեն։
Այս մասին գրել է մեդիափորձագետ Սամվել Մարտիրոսյանը։
Ըստ Մարտիրոսյանի՝ մարդիկ փորձում են զգոն լինել, բայց ամեն բան, նման խոսակցություններից հետո կարող են կասկածելի թվալ։ Դրա համար նա առաջարկում է երեք կետից բաղկացած մեկ լուծում․
« Ա. ԱԱԾն թեժ գիծ է բացում եւ բոլոր կասկածելի դեպքերը իրենց են ուղարկվում։ Որ համ մարդիկ հանգիստ լինեն, համ էլ, հետը տնից , տեղից, կարող ա տակը մի բան լինի։
Բ. Մարդիկ սոցցանցերով սենց բաները չեն տարածում։ Հատկապես, եթե մեծ լսարան ունես, ու դու չես դիվերսանտներին տեսել, երեւի թե, չարժե բոլորին ահաբեկել։ Իմացար, զանգի ԱԱԾ թեժ գիծ։ Բայց էդ գիծը պետք ա լինի սկզբից։ Գիծը չկա, մարդիկ գրում են սոցցանցերում։
Գ. Բարձրաստիճան պաշտոնյաները հիսուն անգամ չափում են, հետո մտքեր արտահայտում։ Օրինակ, խուճապի հիմքերից մեկը Ալեն Սիմոնյանի ասածն էր, որը, երեւի, վերաբերում էր սահմանային բախումներին։ Բայց քանի որ հստակ չէր միտքը, մարդիկ կոնկրետ այլ կերպ էին հասկացել։ Ու մարդկանց մեղադրել չի լինի»,– պարզաբանել է նա։
