Լրահոս 24/7
20.09.2022

Նոր հարձակման վտանգը պահպանվում է. Է․ Աղաջանյան

Նոր հարձակման վտանգը պահպանվում է. Է․ Աղաջանյան

«Այս ամբողջ գործընթացի նպատակն է հասնել համապարփակ և երկարաժամկետ խաղաղության, որից, ցավոք, այս պահին դեռևս հեռու ենք», – «Ազատության» հետ զրույցում ասել է Ազգային ժողովի արտաքին հարաբերությունների հանձնաժողովի նախագահ Էդուարդ Աղաջանյանը:

Ըստ նրա` հրադադարը դեռ փխրուն է, և նոր հարձակման վտանգը պահպանվում է:

Ներկայացնում ենք հատված հարցազրույցից.

«Ազատություն». – Արդյունավե՞տ եք գնահատում արդյոք այս գիշեր Նյու Յորքում կայացած Միրզոյան-Բլինքեն-Բայրամով բանակցությունները:

Էդուարդ Աղաջանյան. – Գիտեք, նման հանդիպումները մեկ ընդհանուր գործընթացի մի դրվագ են, և որպեսզի հնարավոր լինի գնահատել արդյունավետությունը, պետք է ամբողջ գործընթացի համատեքստում դիտարկենք, իսկ քանի դեռ գործընթացը չի հասել այն փուլին, երբ հնարավոր կլինի կոնկրետ արդյունքներ արձանագրել, կարծում եմ` այս պահին դեռ վաղ է նման գնահատական տալը:

«Ազատություն». – Արդյունք ասելով Դուք նկատի ունե՞ք, որ առնվազն հրադադարը փխրուն չի լինի, և որոշակի …

Էդուարդ Աղաջանյան. – Այդ թվում նաև այո, բայց խոսքը գնում է վերջ ի վերջո, պետք է արձանագրենք, որ այս ամբողջ գործընթացի նպատակն է հասնել համապարփակ և երկարաժամկետ խաղաղության, որից, ցավոք, այս պահին դեռևս հեռու ենք և պետք է ակտիվորենք աշխատենք թե՛ մեր միջնորդների ներգրավվածության ապահովման առումով, թե՛ նաև դրա միջոցով, այդ թվում` Ադրբեջանին բերելով բանակցությունների սեղանի շուրջ:

«Ազատություն». – Դուք ասում եք բերել բանակցությունների սեղանի շուրջ, երեկվա հանդիպմանը Բայրամովն ինքն է պատրաստակամություն հայտնել խաղաղության հաստատման օրակարգով հրատապ բանակցություններ սկսել արդեն առաջնորդների մակարդակով:

Էդուարդ Աղաջանյան. – Ճիշտ եք ասում, բայց դրան զուգահեռ ադրբեջանական զինված ուժերը լայնածավալ ռազմական ագրեսիա են իրականացնում Հայաստանի սուվերեն տարածքի նկատմամբ, և այս երկու իրողությունները մեկը մյուսին հակասող են, առնվազն իրենց տրամաբանությամբ: Ես նկատի ունեմ բովանդակային բանակցությունները, որոնք, բնականաբար, չեն զուգակցված և չեն ուղղորդվում ռազմական գործողություններով:

«Ազատություն». – Կա՞ն տեղեկություններ, ծրագրվո՞ւմ է մոտ ապագայում Փաշինյան-Ալիև հանդիպում:

Էդուարդ Աղաջանյան. – Այս պահի դրությամբ նման որոշում չկա:

«Ազատություն». – Արդյոք կա՞ նախապայման` դուրս բերել զորքերը Հայաստանի տարածքից, նոր միայն վերադառնալ խաղաղության պայմանագրի բանակցություններին:

Էդուարդ Աղաջանյան. – Հայաստանի Հանրապետությունն իր դիրքորոշումը շատ հստակ հայտնել է երեկվա Անվտանգության խորհրդի կողմից ընդունված հայտարարության տեսքով: Կարծում եմ` էական չէ այստեղ` դա նախապայմանի տեսք կունենա, թե նախապայմանը տվյալ պարագայում առաջնահերթություն չի լինի: Կարևոր է, որպեսզի մենք արձանագրենք ՀՀ դիրքորոշումը, որը շատ հստակ է և աներկբա:

«Ազատություն». – Ի՞նչ մասշտաբների են զորքերի կուտակումները սահմաններին, նաև Նախիջևանի հատվածում: Երևանը պարբերաբար սա բարձրաձայնում է:

Էդուարդ Աղաջանյան. – Ես օպերատիվ իրավիճակի մասին տեղեկություններ չունեմ, սա թերևս Պաշտպանության նախարարությանն ուղղելիք հարց է:

«Ազատություն». – Ավելի շատ իմ հարցը նոր հարձակման հնարավորության համատեքստում էր:

Էդուարդ Աղաջանյան. – Տեսեք, նոր հարձակման հավանականությունը երբեք չի վերացել առնվազն: Այդ հավանականությունը պահպանվում է հրադադարի օրվանից սկսած, և մեր ամբողջ էներգիան և ռեսուրսները Հայաստանի կառավարությունն ուղղում է քաղաքական և դիվանագիտական ճանապարհով այս հարցի լուծման ուղղությամբ:

«Ազատություն». – Բայց այդ վտանգը պահպանվում է:

Էդուարդ Աղաջանյան. – Վտանգը պահպանվում է միանշանակ:

Լրահոս
Ադրբեջանի ՊՆ-ն կրկին ապատեղեկատվություն է տարածել
20:44
Ադրբեջանի ՊՆ-ն կրկին ապատեղեկատվություն է տարածել
Հութիները պատրաստ են բանակցել ԱՄՆ-ի հետ խաղաղության հասնելու համար
19:53
Հութիները պատրաստ են բանակցել ԱՄՆ-ի հետ խաղաղության հասնելու համար
750 միլիոն դոլարի եվրապարտատոմսերի թեման. մի քանի «ինչու»-ների պատասխաններ
19:05
750 միլիոն դոլարի եվրապարտատոմսերի թեման. մի քանի «ինչու»-ների պատասխաններ
Իրանում ՀՀ դեսպանը հանդիպել է ԻԻՀ ԱԳՆ խոսնակի հետ
18:19
Իրանում ՀՀ դեսպանը հանդիպել է ԻԻՀ ԱԳՆ խոսնակի հետ
Թրամփի և Պուտինի հանդիպումը կկազմակերպվի, հենց անհրաժեշտություն լինի
17:04
Թրամփի և Պուտինի հանդիպումը կկազմակերպվի, հենց անհրաժեշտություն լինի
Հայ շախմատիստները հաղթանակով են մեկնարկել Եվրոպայի առաջնությունում
16:15
Հայ շախմատիստները հաղթանակով են մեկնարկել Եվրոպայի առաջնությունում
Սպասվում է առանց տեղումների եղանակ
15:15
Սպասվում է առանց տեղումների եղանակ
Ադրբեջանի ՊՆ հաղորդագրությունը չի համապատասխանում իրականությանը
14:04
Ադրբեջանի ՊՆ հաղորդագրությունը չի համապատասխանում իրականությանը
Կիեւի «կապիտուլյացիայի» համար ողբացողներից մեկը Բաքուն է լինելու
13:47
Կիեւի «կապիտուլյացիայի» համար ողբացողներից մեկը Բաքուն է լինելու
Փաշինյանը հեռախոսազրույց է ունեցել Իրանի նախագահ Փեզեշքիանի հետ
12:35
Փաշինյանը հեռախոսազրույց է ունեցել Իրանի նախագահ Փեզեշքիանի հետ
Պատմություն, որի շնորհիվ դարձել եմ այն, ինչ կամ. Ռուբեն Վարդանյանը նոր ուղերձ է հղել
12:02
Պատմություն, որի շնորհիվ դարձել եմ այն, ինչ կամ. Ռուբեն Վարդանյանը նոր ուղերձ է հղել
Գիշերը ՌԴ-ի երկնքում խոցվել է Ուկրաինայի ԶՈւ-ի 126 անօդաչու թռչող սարք. ՌԴ ՊՆ
19:57
Գիշերը ՌԴ-ի երկնքում խոցվել է Ուկրաինայի ԶՈւ-ի 126 անօդաչու թռչող սարք. ՌԴ ՊՆ
Պետք է շարունակենք ճնշումը Պուտինի վրա․ Սթարմեր
18:33
Պետք է շարունակենք ճնշումը Պուտինի վրա․ Սթարմեր
Ուկրաինական զորքերը Կուրսկի շրջանում շրջափակված չեն․ Զելենսկի
16:58
Ուկրաինական զորքերը Կուրսկի շրջանում շրջափակված չեն․ Զելենսկի
Այս պատմական քայլը կամրապնդի կայունության կամուրջները․ ԱՄԷ ԱԳՆ
15:50
Այս պատմական քայլը կամրապնդի կայունության կամուրջները․ ԱՄԷ ԱԳՆ