Եռաբլուրում հերթապահում են Քոչարյանին սպասարկող հեռուստաընկերությունները, դատերի մասովկա ապահովողները․ Բաբաջանյան

Վաղ առավոտից «Եռաբլուր» զինվորական պանթեոնում հերթապահում են Քոչարյանին սպասարկող հեռուստաընկերությունները, Քոչարյանի և շրջապատի փաստաբանները, Քոչարյանի դատերի մասովկա ապահովողները։

Այս մասին գրել է «Հանուն հանրապետության» կուսակցության հիմնադիր Արման Բաբաջանյանը:

Գրառումն ամբողջությամբ՝ ստորև․

«Եռաբլուրում ակցիա է…

վաղ առավոտից հերթապահում են Քոչարյանին սպասարկող հեռուստաընկերությունները, Քոչարյանի և շրջապատի փաստաբանները, Քոչարյանի դատերի մասովկա ապահովողները…

Ոչ մի կասկած՝ զոհերի ծնողները, հարազատները միշտ կարող են բողոքել, հավաքներ անել:
Խոսքս իրենց չեմ ուղղում, այլ նրանց, ովքեր իրենց քաղաքական ծրագրերի համար անխնա օգտագործում են զոհերի ծնողների վիշտը:

էս սուրբ ու նվիրական օրով էդ խեղճ մարդկանց սուգը, կսկիծը քաղաքական, անձնական նպատակների համար օգտագործե՞լ:

Դուք մա՞րդ եք: Թողեք այդ մի քանի ծնողներին հանգիստ:

Բոլորիդ անհատապես ճանաչում ենք, գիտենք՝ ով ում հետ ինչ շահերի և փողի շարժերի մեջ է»։