Change.org կայքում մեկնարկած Ռուսաստանում մոբիլիզացիայի դեմ ստորագրահավաքը ստորագրվել է տասնյակ հազարավոր մարդկանց կողմից։ Լուրը հրապարակելու պահին նա հավաքել էր գրեթե 70 հազար ստորագրություն։
Մենք՝ Ռուսաստանի քաղաքացիներս՝ կանայք և տղամարդիկ, դեմ ենք ընդհանուր և մասնակի մոբիլիզացիային։ Նախագահ Վլադիմիր Պուտինը դրա մասին հայտարարելու իրավական հիմքեր, ծանրակշիռ ու հիմնավոր պատճառներ չունի և չի կարող ունենալ։ Ներկայիս անորոշ իրավիճակում մենք պատրաստ չենք բարոյական կամ ֆիզիկական վտանգի ենթարկել մեր երկրի տղամարդկանց՝ եղբայրներին, որդիներին, ամուսիններին, հայրերին և պապերին։
Ստորագրահավաքը սկսվել է 2022 թվականի ապրիլին՝ հնարավոր մոբիլիզացիայի մասին լուրերի ֆոնին։ Այն բանից հետո, երբ այս հաղորդումները չհաստատվեցին, հեղինակները որոշեցին ստորագրահավաքը երկարաձգել «հատուկ ռազմական գործողության» ողջ ժամանակահատվածի համար։ Մինչև մայիսին 50 հազար մարդ ստորագրել էր խնդրագիրը։
Սեպտեմբերի 21-ի առավոտյան ՌԴ նախագահ Վլադիմիր Պուտինը Ռուսաստանում մասնակի մոբիլիզացիա է հայտարարել։ Պաշտպանության նախարար Սերգեյ Շոյգուն հայտարարել է, որ բանակ է զորակոչվելու 300 հազար պահեստազորի։
Աղբյուրը՝ Meduza.io
Թարգմանեց՝ Աստղ Խաչատրյանը։
