Իրանի խոշորագույն քաղաքներում շարունակվում են բողոքի գործողությունները, որոնք ուղեկցվում են ոստիկանության հետ բախումներով։
Իսլամական հանրապետության դատախազության տվյալներով՝ երկրի արևմուտքում գտնվող Քերմանշահ քաղաքում բախումների հետևանքով 2 մարդ է զոհվել, 25-ը վիրավորվել են։
«Շիրազում ցուցարարների և իրավապահների միջև ընդհարումների ժամանակ 4 ոստիկան է վիրավորվել, ոստիկանությանն աջակցող մեկ քաղաքացի սպանվել է», – հաղորդում է IRNA գործակալությունը։
Բողոքի ակցիաները Իրանում մեկնարկել էին Թեհրանի ոստիկանական բաժանմունքներից մեկում 22-ամյա երիտասարդ կնոջ մահվանից հետո։
