Եվրամիությունը մտադիր է ամենակարճ ժամկետում Ռուսաստանի դեմ նոր պատժամիջոցներ կիրառել:
Այս մասին լրագրողներին ասել է եվրոպական դիվանագիտության ղեկավար Ժոզեպ Բորելը։
ՄԱԿ-ի Գլխավոր ասամբլեայի շրջանակում ԵՄ ԱԳ նախարարների հանդիպումից հետո նա ասել է, որ պատժամիջոցները կլինեն «և՛ անձնական, և՛ հատվածային» և կմշակվեն «որքան հնարավոր է արագ՝ գործընկերների հետ համաձայնեցված»։
Պատժամիջոցների ցուցակում, ըստ Բորելի, նախատեսվում է ներառել ինչպես Ռուսաստանի ղեկավարության ներկայացուցիչներ, այնպես էլ անձինք, ովքեր մասնակցում են հանրաքվեների նախապատրաստմանը Դոնեցկի, լուգանսկի, Խերսոնի և Զապորոժիեի շրջաններում։
Միևնույն ժամանակ, որոշումը, թե կոնկրետ ում նկատմամբ կկիրառվի սահմանափակումներ, դեռևս չի կայացվել
Դիվանագետը նշել է, որ հանդիպումը հաստատել է ԵՄ-ի վճռականությունը՝ շարունակելու ռազմական աջակցություն ցուցաբերել Ուկրաինային։
Ամերիկյան Politico հրատարակությունը, հղում անելով դիվանագիտական աղբյուրներին, հայտնում է, որ Եվրահանձնաժողովը պատրաստ է ուրբաթ օրը կիսել իր պատժամիջոցների ծրագիրը ԵՄ երկրների հետ։ Քննարկվող միջոցները ներառում են «Մեծ յոթնյակի կողմից առաջարկվող ռուսական նավթի գների սահմանաչափը, Կրեմլի հետ կապված ավելի շատ անձանց ցուցակագրումը և Ռուսաստանի հետ շքեղ ապրանքների առևտրի նոր կրճատումը»:
