Այսօր կառավարությունը որոշում կայացրեց սոցիալական աջակցություն տրամադրել «Սուրմալու» առևտրի կենտրոնում տեղի ուենցած պայթյունի հետևանքով զոհվածների ընտանիքներին և վիրավորում ստացածներին:
Այսպիսով գործադիրը ընդունեց «Երևանի պահածոների գործարար» ՓԲԸ-ում 2022 թվականի օգոստոսի 14-ին տեղի ուենցած պայթյունի հետևանքով զոհերի այդ թվում գտնվելու վայրը անհայտ անձանց ընտանքիներին և վիրավորում ստացած անձանց սոցիալական աջակցության միջոցառումը տրամադրման կարգը հաստատելու մասին ՀՀ կառավարության որոշման նախագիծը:
Աշխատանքի և սոցիալական հարցերի նախարար Նարեկ Մկրտչյանը նշեց, որ առաջարկվում է միանվագ դրամական օգնության ձևով աջակցություն տրամադրել զոհված անձանց ընտանիքներին և վիրավորում ստացած անձանց, մասնավորապես վիրավորում ստանալու դեպքում հիվանդանոցային պայմաններում առաջարկվում է սոցիալական աջակցությունը տրամադրել մինչև 3 օր բուժման մեջ գտնված անձանց դեպքում 150 հազար դրամի չափով, 3 և ավելի օր բուժման մեջ գտնված անձանց դեպքում 300 հազար դրամի չափով և զոհված անձանց ընտանիքների դեպքում յուրաքանչյուր զոհվածի համար 3 միլիոն դրամի չափով:
Նիստը վարող Համբարձում Մաթևոսյանը անդրադարձավ նաև երեկ ուժեղ քամուց վնասված շինության մասնակի փլուզմանը: «Քննարկումներ են գնում սեփականատիրոջ հետ, խնդրում եմ աշխատանքներին հետևողական լինել, որ սահմանազատված հատվածում մենք նմանատիպ այլ դեպք չարձանագրենք»,-հանձնարարեց նա:
Առողջապահության նախարար Անահիտ Ավանեսյանը նշեց, որ երեկվա դեպքից տուժած երեք քաղաքացիներից երկուսը արդեն դուրս են գրվել, մեկի առողջական վիճակը գնահատվում է բավարար:
