Կառավարությունը այսօր հերթական նիստին որոշում կայացրեց վերաբաշխում կատարել 2022 թ. պետբյուջեում և 1 մլրդ 325 մլն դրամ հատկացրեց ավտոճանապարհների միջին նորոգման աշխատանքների համար:
Տարածքային կառավարման և ենթակառուցվածքների նախարար Գնել Սանոսյանը հայտնեց, որ այս տարի պլանավորել էին մոտ 200 կմ միջին նորոգման աշխատանքներ անել. դրանց մի մասն ավարտական փուլում է, մի մասն աշխատանքի մեջ է:
«Կան աշխատանքներ, որոնց մրցույթները հայտարարել ենք, կան շահող ընկերություններ, կա անհրաժեշտություն՝ նրանց գումար տրամադրելու, որ աշխատանքները սկսեն: Նախորդ մրցութային գործընթացներում մենք բավական խնայողություններ ենք ունեցել, մասնավորապես այդ խնայողությունները հիմա փորձում ենք վերաբաշխել այդ ծրագրերի համար»,- ասաց նա և նշեց, որ խոսքը չորս շինարարական հատվածների մասին է:
Գնել Սանոսյանը հավելեց, որ մոտ 30 կմ-ի համար առաջարկում են հատկացնել 1 մլրդ 325 մլն դրամ, որպեսզի կարողանան պայմանագրերը կնքել և աշխատանքները սկսել:
