ՌԴ ԱԳՆ պաշտոնական ներկայացուցիչ Մարիա Զախարովան «անպարկեշտ» է անվանել ԱՄՆ նախագահ Ջո Բայդենի ելույթը ՄԱԿ-ի Գլխավոր ասամբլեայի 77-րդ նստաշրջանում, որի ժամանակ, Զախարովայի խոսքով, նա կեղծ մեջբերումներ է կատարել ՌԴ նախագահ Վլադիմիր Պուտինի ելույթից միջուկային սպառնալիքի մասին։
«Ես բացարձակ անպարկեշտ եմ համարում այն, ինչ հնչեց նրա ելույթում մեր երկրի շուրջը: Բանն այն է, որ նա սկսել է՝ իբր մեջբերելով Ռուսաստանի նախագահին։ Նա Ռուսաստանի նախագահին է վերագրել խոսքեր, թե մեր երկիրը սպառնում է աշխարհին միջուկային զենքով»,- ասել է Զախարովան «Սոլովյով Live»-ի ուղիղ եթերում՝ հավելելով, որ Բայդենի խոսքերն ընդամենը «քարոզչական կապեր են, որ փաթաթվում են հանրության վզին՝ տարածվելով ամերիկյան լրատվամիջոցներով»։
Հիշեցնենք՝ Բայդենը ՄԱԿ-ի Գլխավոր ասամբլեայում իր ելույթում պնդել էր, որ Մոսկվան հանդես է եկել «միջուկային զենք օգտագործելու բացահայտ սպառնալիքներով ընդդեմ Եվրոպայի»։ Միաժամանակ, նա հավաստիացրել է՝ ԱՄՆ-ը հասկանում է, որ միջուկային պատերազմում հաղթողներ չեն կարող լինել, և որ այն երբեք չպետք է վարել։ Բացի դրանից, Բայդենը խոստացել է, որ ԱՄՆ-ն պատրաստ կլինի ձեռնարկել սպառազինության վերահսկման «ծայրահեղ կարևոր» միջոցներ՝ անկախ նրանից, թե ինչ տեղի կունենա աշխարհում և առաջարկել վերանայել ՄԱԿ-ի անվտանգության խորհրդի կազմն ու կանոնադրությունը:
